Festa 10 maio Trabada

Trabada celebrará unha gran festa o 10 de maio con Orquestra New York e DJ Marcos Magán

O Concello de Trabada organiza unha gran festa o vindeiro sábado 10 de maio na Praza do Concello, cunha noite de música e diversión para todos os públicos maiores de idade. O evento, que comezará ás 23:00 horas, contará coa actuación estelar da Orquestra New York, dentro da súa xira Un paso adelante, e a sesión especial do DJ convidado Marcos Magán. A festa celebrarase nun recinto cuberto con carpa para garantir a comodidade dos asistentes.

O alcalde de Trabada, Rubén García, destaca a importancia deste evento no calendario festivo local: «Esta festa era antes coñecida como a Festa da Xuventude, pero agora está dirixida a todos os públicos maiores de idade. Queremos que os nosos veciños e veciñas poidan desfrutar das mellores orquestras nunha data diferente ás festas patronais, que adoitan ser máis complicadas de organizar.»

O evento conta coa colaboración da Comisión de Festas de Trabada,  Gaias Eventos e Promociones Artísticas Vázquez e promete ser unha noite inesquecible con música en directo, animación e ambiente festivo.

Desde o Concello de Trabada, anímase a toda a veciñanza e visitantes a asistir e desfrutar desta celebración.

Páxina anterior O Concello de Trabada presenta o cartel da VI Festa da Enfariñada, que se celebrará o 4 de maio

Concello de Trabada

Rúa do Concello, 15, 27765
Trabada, Lugo

Luns - Vernes 8:00 am - 15:00 pm

© Concello de Trabada - Todos os dereitos reservados